فرانسوي رسنیو د پاریس په څنډو کې د ټیلیګرام د اجراییوي مشر د نیولو خبر ورکړی
د فرانسې تلویزیوني چینلونو ټيایف-۱ او بيایفایم راپور ورکړی چې پاول ډروف، د ټیلیګرام بنسټ ایښودونکی او اجرایوي مشر، د پاریس په څنډو کې د بورژه په هوایي ډګر کې نیول شوی. ډروف د اذربایجان جمهوریت څخه په خپله شخصي جیټ الوتکه کې سفر کاوه.
نوموړی د شنبې په ورځ، د وږي په درېیمه نېټه د فرانسوي چارواکو لهخوا د صادر شوي حکم سره سم ونیول شو.
د دغو راپورونو له مخې، د نیولو دغه امر د ټیلیګرام په اړه د پولیسو د څېړنو د یوې برخې له لوري صادر شوی.
پولیس وايي چې په ټیلیګرام کې د څارنې د میکانیزم نشتوالی په دې مسینجر کې د جرمي فعالیتونو د پراخېدو لامل شوی دی.
د ټيایف -۱په وینا، ډروف ښايي د بیلابېلو جرمونو پورې اړوند تورونو سره لکه، «ترهګرۍ، نشهيي توکو قاچاق، درغلۍ، د پیسو مینځلو، او د ماشومانو لوڅو فلمونو.» مخ شي.
په ورته وخت کې د روسیې د بهرنیو چارو وزارت ویلي چې په فرانسه کې د دغه هېواد سفارت د ډروف د نیول کېدو د روښانه کولو لپاره لازم ګامونه اخیستي دي.
