د کیرالا په وایاناډ کې ځمکه ښویدنه: په یوې لیرې پرتې سیمه کې څلور کسان ژوندي موندل شوي
د هند په کیرالا ایالت کې د ځمکې ښویدنې څخه درې ورځې وروسته، څلور کسان د جمعې په ورځ (د زمري ۱۲مه) له یوه کور څخه ژوندې وژغورل شول.
د هند په سویلي ساحلي ایالت کیرالا کې سخت باران د سې شنبې په سهار د وایاناډ له غرونو پیل شو، چې د سختې ځمکې ښوینې لامل شو. د باران له امله، د اوبو، خټو او ډبرو ټولګو خلک لاندې کړل چې ډیری یې په خوب ویده وو او د مرګ په خوب یې ویده کړل.
چارواکي وایي، دا په کیرالا کې د ۲۰۱۸ کال د وژونکي سیلابونو راهیسې ترټولو ناوړه ناورین دی، چې د ۲۰۵ کسانو د مړینې لامل شوی او نږدې ۲۰۰ کسان لا تر اوسه ورک دي. ځايي اسیانټ ټلويزيون ويلي، چې تر ۳۰۰ ډېر کسان مړه شوي دي.
د هند پوځ یو جګپوړي قوماندان وی ټي ماتیو وویل، چې دوه نارینه او دوه ښځې د جمعې په ورځ، په یوه لیرې پرته سیمه کې د پوځ له خوا ژوندي وموندل شول.
د چارواکو په وینا، په تېرو دوو ورځو کې نږدې یو زرو ۶۰۰ کسان له غرنیو کلیو ژغورل شوي او نږدې ۳۵۰ ودانۍ زیانمنې شوي دي.
