د يمن پر حديده ښار د يو لوی هوايي بريد خبر ورکړل شوی

د حوثيانو اړوند المسيره شبکې خبر ورکړی، چې په يمن کې د حوثيانو تر کنټرول لاندې سېمه حديده ښار باندي هوايي بريد شوی. د اکسيوس وېبپاڼې خبريال د يو امريکايي چارواکي له خولې ليکلي، چې دغه بريد د اسراييل له خوا شوی دي.

العربیه شبکې د خپلو سرچینو له قوله ویلي، چې د شنبې په ورځ ۱۲ اسراييلي جګي الوتکو، د يوې اف - ۳۵ الوتکې په ګډون، پر یمن برید کړی دی.

حوثي یاغیانو د جمعې په سهار د اسراييلو په تل ابیب ښار کې پر یو اپارتمان برید کړی و، چې په پایله کې یې یو کس وژل شوی او څو نور ټپیان شوي وو.

اسراییلو هم پر یمن د برید مسوولیت منلی دی.