بښنې نړۍوال سازمان: په بنګله دېش کې پولیسو د لاریونوالو په وړاندې ناقانونه ځواک کارولی
د بښنې نړۍوال سازمان وايي، په بنګله دېش کې اسناد تاییدوي چې پولیسو د زدهکوونکو لاریونوالو په وړاندې ناقانونه ځواک کارولی دی. دغه سازمان د یوې خبرپاڼې په خپرولو سره د عیني شاهدانو له خولې لیکلي، چې حکومت د لاریون کوونکو په وړاندې له تاوتریخوالي کار اخیستی.
په دې خبرپاڼه کې د اسنادو له مخې ادعا شوې، چې دغه تاوتریخوالی د بنګله دېش د چترا لیګ غړو لهخوا ترسره شوی دی.
دغه سازمان د بنګله دېش په حکومت غږ کړی، چې د ټولو ټپيانو درملنه وکړي او ډاډ ترلاسه کړي چې د دوی درملنه په مناسبه توګه کئږي.
دغه سازمان زیاته کړې، چارواکي باید دا ډاډ هم ورکړي ټول هغه کسان چې پر سولهییزو لاریون کوونکو په بریدونو کې ښکېل دي سزا ورکول کېږي.
د بنګله دېش حکومت وروسته له هغه چې د روانو لاریونونو په ترڅ کې شپږ تنه زدهکوونکي ووژل شول، تېره ورځ یې د دغه هېواد ټول ښوونځي د نامعلومې مودې لپاره وتړل.
په دغه لاریونونو کې څه باندې سل کسان ټپیان شوي هم دي.
دغه لاریونونه د دولتي دندو لپاره د برابرې ونډې ورکولو له امله ترسره کېدل، چې په تاوتریخوالي واوښتل.
