د ایران نوی منتخب ولسمشر مسعود پزشکیان څوک دی؟
د ایران منتخب ولسمشر، منځلاری مسعود پزشکیان، د میلیونونو ایرانیانو هیلې له ځانه سره لري او هغه دا چې په ټولنیزو ازادیو باید لږ محدودیتونه وي او بهرنۍ تګلار باید د نړۍ په اوسنیو واقعیتونو ولاړه وي.
شنونکي وايي، پزشکیان، چې د جمعې په ورځ د ولسمشرۍ په دویم پړاو ټاکنو کې سخت دریځي سعید جلیلي ته ماتې ورکړه، هغه څوک دی چې ممکن د نړۍ قدرتونه یې هرکلی وکړي.
دغه شنونکي هیله لري چې هغه به له نړۍ سره د تعامل په اړه د خپل په بیړه پر مخ تلونکي اټومي پروګرام په اړه سوله ییزې لارې چارې تعقیب کړي.
پزیشکیان وکولای شو د ښاري متوسطې طبقې او ځوانانو رایې ترلاسه کړي، هغه ډله چې له کلونو کلونو امنیتي او استخباراتی څارنو له امله په پراخه کچه نا امیده شوې وه.
پزشکیان چې د زړه د ناروغۍ ۶۹ کلن ډاکټر دی، ژمنه یې کړې چې یوه عملي بهرنۍ پالیسي به پر مخ وړي، د سترو قدرتونو سره دریدلې اټومې خبرې به بیا راژوندۍ کړي او د سیاسي تنوع او ټولنیزو ازادیو لپاره به زمینه مساعده کړي.
د ایران د دوه ګوني نظام د مذهبي او جمهوري واکمنۍ لاندې، ولسمشر نشي کولی د ایران د اټومي پروګرام یا په منځني ختیځ کې د ملیشه ډلو د ملاتړ په اړه کومه لویه پالیسي بدله کړي، ځکه چې د ایران مذهبي مشر ایت الله علي خامنه ای د مهمو دولتي مسلو په اړه ټولې پریکې پخپله کوي.
خو بیا هم ولسمشر کولی شي د ایران د پالیسۍ په څرنګوالي کې اغیز ولري او د خامنه یي د ځای ناستي په ټاکلو کې به له نږدې دخیل وي. خامنه یي اوس ۸۵ کلن دی.
پزشکیان د ایران مذهبي واکمنۍ ته وفاداره دی او د ځواکمنو امنیتي مشرانو او مذهبي واکمنانو سره د مقابلې اراده نه لري.
په ټلویزیوني مناظرو او مرکو کې یې ژمنه کړې چې د خامنه یي له پالیسیو سره به مقابله نه کوي.
پزشکیان رای ورکوونکو ته په یو ویډیويي پیغام کې وویل: "که د هڅو سربیره، د خپلو کمپایني ژمنو په پوره کولو کې پاتې راغلم، نو سیاسي فعالیت سره به مخه ښه وکړم. دا هیڅ مانا نه لري چې خپل وخت ضایع کړم خو د خپلو خلکو خدمت ونشم کړای" .
د پخواني ولسمشر محمد خاتمي په مشرۍ د اصلاح غوښتونکو ډلې د مۍ په میاشت کې د هلیکوپترې د غورځیدو په پیښه کې د سخت دریځه ولسمشر ابراهیم رییسي له مړینې وروسته په ټاکنو کې د پزشکیان ملاتړ وکړ.
د پزشکیان نظر د رییسي له نظر سره توپیر لري، رییسي چې د خامنه یي له سرسخته پیروانو څخه و، د ښځو د جامو په اړه یې قوانین په جدي توګه پلي کول او د اټومي تړون د بیا راژوندي کولو لپاره یې له سترو قدرتونو سره په خبرو اترو کې سخت دریځ غوره کړی و.
په ۲۰۱۸ کې، د متحده ایالاتو د هغه وخت ولسمشر ډونلډ ټرمپ دغه تړون لغوه کړ او پر ایران یې بیا بندیزونه ولګول.
د هغه اقدام تهران دې ته وهڅوه چې په تدریجي ډول د تړون له اټومي حدودو څخه سرغړونه وکړي.
د پزشکیان نظر د رییسي له نظر سره توپیر لري، رییسي چې د خامنه یي له سرسخته پیروانو څخه و، د ښځو د جامو په اړه یې قوانین په جدي توګه پلي کول او د اټومي تړون د بیا راژوندي کولو لپاره یې له سترو قدرتونو سره په خبرو اترو کې سخت دریځ غوره کړی و.
په ۲۰۱۸ کې، د متحده ایالاتو د هغه وخت ولسمشر ډونلډ ټرمپ دغه تړون لغوه کړ او پر ایران یې بیا بندیزونه ولګول.
د هغه اقدام تهران دې ته وهڅوه چې په تدریجي ډول د تړون له اټومي حدودو څخه سرغړونه وکړي.
