د ایران د کورنیو چارو وزیر: منتخب ولسمشر باید د خامنه ای د سیاستونو په چوکاټ کې عمل وکړي
د ایران د کورنیو چارو وزیر احمد وحیدي د جمعې په ورځ (د چنګاښ ۱۵مه) وویل، چې منتخب ولسمشر باید د اسلامي جمهوریت د رهبر د سیاستونو په چوکاټ کې عمل وکړي.
د ایراني رسنیو د راپورونو له مخې، احمد وحیدي وویل، چې منتخب کس د ټولو ولسمشر دی او باید د ټاکنو له پای ته رسېدو وروسته د حساسیتونو له رامنځته کېدو ډډه وکړي.
د دغه هېواد د ولسمشریزو ټاکنو لپاره د رایې چونې وخت یو ځل بیا پر ځایي وخت د شپې تر لس بجو وغځول شو.
تر دې مخکې د رای ورکولو وخت په ځايي وخت د شپې تر ۸بجو پورې غځول شوی و.
د ایران د ولسمشرۍ د ټاکنو د دویم پړاو د رای ورکولو بهیر د جمعې په ورځ د چنګاښ په ۱۵مه نېټه پیل شو.
د رایې اچونې په دې پړاو کې د ایران د ولسمشر د څوکۍ لپاره مسعود پزشکیان او سعید جلیلي سیالي کوي.
