د چک پولیس د ترهګريزو ګواښونو له امله د تیارسئ په حال کې دي
د چک جمهوریت رسنیو خبر ورکړی، چې د شنبې له شپې راهیسې په پراګ کې د یوه ترهګریز برید د احتمالي ګواښ له امله امنیتي تابیاوې زیاتې شوې دي او پولیس د تیارسئ په حال کې دي. د راپورونو له مخې؛ په دغه هېواد کې د ترهګرۍ د ګواښ په تړاو یو کس نیول شوی دی.
د دایکسپاتس د خبر له مخې؛ د چک جمهوریت د پلازمینې په عامه ځایونو، سوداګریزو او ټرانسپورټي مرکزونو کې امنیتي تابیاوې نیول شوي دي.
د چک پولیسو د یکشنبې په سهار اعلان وکړ: «د خلکو له مرستې څخه مننه، د افراطیت او تروریزم د څانګې جنایي پلټونکو وکولی شول هغه کس تعقیب او ونیسي، چې په خورا جدي جرم شکمن دي.»
د راپورونو له مخې؛ د ګواښونو په اړه به نور معلومات د دوشنبې په ورځ د چک د ملي امنیت شورا له غونډې وروسته اعلان شي.
د چک د کورنیو چارو وزیر ویټ راکوشن اعلان کړی، چې اوس مهال خلکو ته کوم ګواښ نه شته.
