د یمن د حوثي جنګیالیو ویاند ویلي، چې په سور سمندرګي کې یې دوه بیړۍ په نښه کړي

د یمن د حوثي جنګلیاو ویاند یحیی سري ویلي، چې دغه ډلې په سور سمندرګي کې دوه بیړۍ په نښه کړې دي. هغه ویلي، چې دا بیړۍ د بې پیلوټه الوتکو او بالستیک توغندیو پر مټ په نښه شوي دي.

د حوثي یاغیانو ویاند د جمعې په ورځ ویلي، چې په نښه شوې بیړۍ «البلا» او «الجینوا» نومیدې.

د امریکا مرکزي قوماندانۍ د پنجشنبې په ورځ ویلي و، چې په تېرو ۲۴ساعتونو کې یې د حوثي جنګلیالیو ۸ بې پیلوټه الوتکې او دوه بې چلونکي کښتۍ یې په سور سمندرګي کې له منځه وړي دي.