د هند لومړي وزیر نرېندرا مودي استعفا وکړه او درې ورځې وروسته به بیا لومړی وزیر شي

د هند لومړي وزیر نرېندرا مودي نن د جون په ۵مه استعفا وکړه؛ خو نوموړی به د جون په اتمه نېټه د درېیم ځل لپار د هند د لومړي وزیر په توګه لوړه وکړي.

د هندي رسنیو د راپور له مخې؛ د هند په ټاکنو کې د بهارتیا جنتا ګوند له بریا وروسته د حکومت جوړولو چارې پیل شوې او نرېندرا مودي د لومړي وزیر له څوکۍ استعفا کړې ده.

د هند ولسمشر دروپادي مرمو د نرېندرا مودي استعفا منلې او له هغه یې غوښتي، چې د راتلونکي حکومت تر جوړېدو پورې دې کار ته دوام ورکړي.

نرېندرا مودي د هند په تاریخ کې دویم کس دی، چې د درېیم ځل لپاره لومړی وزیر شو، تر ده وړاندې جواهر لال نهرو درې ځله د هند لومړی وزیر پاتې شوی دی.