د هند ټاکنې؛ نریندرا مودي د ډېرو څوکیو په ګټلو سره د دغو ټاکنو ګټونکی اعلان شو

د هند اوسني لومړي وزیر په مشرۍ د بهارتیا جنتا ګوند د هند په ټاکنو کې د دغه هېواد د پارلمان د ډېرو څوکیو په ګټلو سره د دغه ټاکنو ګټونکی شو. په دغو ټاکنو کې ګټونکي ګوند بهارتیا جنتا وشوای کړای، چې له ۵۴۳ څخه ۲۹۳ څوکۍ وګټي او په دغو ټاکنو کې بریالیتوب ته ورسېږي.

د هند ټاکنې چې د اپرېل میاشتې په ۱۹مې پیل او د جون میاشتې په لومړۍ نېټه پای ته ورسېدې، چې د نړۍ ترټولو سترې ټاکنې بلل شوې؛ ځکه چې په دغو ټاکنو کې د ګډونوالو شمېر نږدې یو مېلیارډو کسانو ته رسېده.

تر دې وړاندې په یو شمېر ټولپوښتنو کې دا په ډاګه شوې وه، چې په هند کې د مودي ګوند تذټولو مخکښ دی.

تېره ورځ د هند د ګانګرس ګوند مشر راهول ګاندي ټاکنو ته د راستنېدو پر مهال ویلي، هند د رایو په اتفاق پرېکړه کړې چې مودي نه غواړي؛ خو مودي په ټاکنو کې ټوله حکومتي دستګاه د ځان په ګټه کارولې ده.