مکسیکو کې د بریتانیا سفیر په دې له دندې ګوښه شو چې په ټوکه یې یوه کارمن ته وسله نیولې وه
په مکسیکو کې د بریتانیا سفیر وروسته له هغه له دندې ګوښه شو چې د سفارت یوه محلي کارکوونکي ته یې په ټوکه وسله ونیوله. په ټولنیزو رسنیو کې خپره شوې ویډیو ښیي چې جان بنیامین یو سړي ته وسله نیولې ده.
په لومړي ځل فایننشال ټایمز د دې پېښې په اړه راپور خپور کړی دی.
د ټولنیزو رسنیو ځینو کاروونکو ویلي: «په مکسیکو کې د مخدره توکو د پلورونکو له خوا د ورځنيو وژنو سره سره، هغه ډېر جرات کوي چې له وسلې سره لوبې وکړي.»
بنیامین تر اوسه په دې اړه کومه تبصره نه ده کړې، چې منتقدین یې "خورا بې ځایه ټوکه» بولي.
د بریتانیا حکومت په دې اړه کومه رسمي اعلامیه نه ده خپره کړې، خو د سفارت په رسمي وېبپاڼه کې د مکسیکو د سفیر په توګه د هغه نوم نه دی لیدل شوی. ویب پاڼه وايي چې هغه د ۲۰۲۱او ۲۰۲۴ترمنځ په دې دنده و.
تېر کال په مکسیکو کې تر ۳۰زره ډېر کسان وژل شوي دي.
د غه هېواد د وسلې قانون د وسلو په لیږد سخت محدودیتونه وضع کړي او د مکسیکو سیټي په پوځي مېنه کې یوازې یو د وسلو پلورنځی شته.
