د هند د اېن ډي ټلویزیون ټولپوښتنه په ټاکنو کې د مودي بری ښيي
د اېن ډي ټلویزیون د ټولپوښتنې له مخې اټکل کیږي چې د هند په ټولټاکنو کې د لومړي وزیر نریندرا مودي په مشرۍ د بهارتیا جنتا ګوند اتحاد اکثریت وګټي.
د دوو ټولپوښتتنو لنډیز اټکل کوي چې واکمن "ملي ډیموکراتیک اتحاد” کولی شي د پارلمان له ۵۴۳ څوکیو څخه ۳۵۰ وګټي.
په پارلمان کې د اکثریت د ترلاسه کولو لپاره د ۲۷۲ څوکیو ګټلو ته اړتیا ده.
"ملي ډیموکراتیک اتحاد” په ۲۰۱۹ ټاکنو کې ۳۵۳ څوکۍ ګټلې وې.
اټکل کیږي چې د هند د کانګرس ګوند په مشرۍ د اپوزیسیون “د هند اتحاد” له ۱۲۰ څخه ډیرې څوکۍ وګټي.
ټولپوښتنې په هند کې ډیر ښه تاریخ نه لري او ډیر وخت د ټاکنو د پایلو غلطه وړاندوینه کوي.
د شنونکو په وینا، د هند په شان په یو لوی او متنوع هیواد کې په دقیقه توګه د خلکو د نظرونو ترلاسه کول یوه ننګونه ده.
د هند ټول ټاکنې په اوو پړاوونو کې د اپریل په ۱۹ مه پیل شوې او تیره ورځ پای ته ورسیدې.
دغه ټاکنې په ډیرو برخو کې د دوبي په ګرمۍ کې ترسره شوې او نږدې یو میلیارد خلکو په کې خپلې رایې وکارولې.
د ټاکنو کمیسیون به د جون میاشتې په څلورمه د ټاکنو پایلې اعلان کړي او رایې به په بریښنایي توګه وشمیرل شي.
د دریم ځل لپاره د هند د ټاکنو په ګټلو سره به د ۷۳کلن مودي بریا د دغه هیواد د خپلواکۍ له اخیستونکي جواهر لال نهرو وروسته دویم لومړی وزیر وي چې په پرله پسې توګه د دریم ځل لپاره ټاکنې ګټي.
