د هند په ځینو برخو کې د تودوخې د نوې څپې له امله ۵۴ کسان مړه شوي
د هند په ځینو برخو کې د تودوخې سختې څپې روانې دي او له امله یې تر دې مهاله د ۵۴ کسانو د مړینې خبرونه خپاره شوي، چې ډېر یې په بېهار ایالت کې دي. د ډیلي په ګډون د شمالي هند په ډېرو برخو کې د توپان او باران وړاندوینه هم شوې ده.
د هند د هوا پېژندنې ادارې په وینا، د مې له ۳۱مې څخه د جون تر ۲مې نېټې د هند په شمال لویدیځ کې د تالندې او برېښنا سره د باران وړاندوینه هم شوې ده.
په بېهار کې د ګرمۍ له امله ۳۲ کسان مړه شوي، چې ۱۷ یې په اورنګ اباد کې، شپږ په اررا کې، درې په ګیا او روهتاس کې، دوه په بکسر او یو په پټنا کې دی.
په اوډیشا او رورکیلا کې ۱۰ کسان مړه شوي. پنځه کسان د جھارکنډ په پالامو او راجستان کې مړه شوي، په داسې حال کې چې یو تن د اتراپردېش په سلطان پور کې مړ شوی.
