د نړۍوالې جنایي محکمې څارنوال د اسراییل او حماس د مشرانو د نیولو غوښتنه کړې
د جرمونو د نړۍوالې محکمې څارنوال د اسراییل د لومړي وزیر، د دغه هېواد د دفاع وزیر او د حماس د لوړ پوړو مشرانو د نیولو امر صادر کړ. بنیامین نتنیاهو، یوف ګالانت، یحیا سنوار، اسماعیل هنیه او محمد ضعیف په جنګي او د بشریت ضد جرمونو تورن شوي دي.
د څارنوالۍ په اعلاميه کې راغلي: «د راټولو شویو شواهدو او بیا کتنې پر بنسټ؛ زه معقول دلیل لرم، چې د اسراییل لومړی وزیر بنیامین نتنیاهو او د دفاع وزیر یوف ګالانت په جنګي جرمونو تورن دي.»
وروسته له هغې چې پر اسراییل د حماس په برید کې له ۱۲ سوو زیات اسراییلیان ووژل شول، اسراییل پر غزې برید وکړ، چې دا مهال نېږدې ۳۶ زره فلسطینیان پکې وژل شوي دي.
