پنځلس اروپایي هیوادونو په اروپا کې د کډوالی د کنټرول د سختولو غوښتنه وکړه
اروپایی کمیسیون ته په یوه لیک کې، د ډنمارک او چک جمهوریت په مشرۍ ۱۵ اروپایی هیوادونو، اروپا ته د کډوالۍ د کنټرول د سختولو په برخه کې د نویو لارو چارو د موندنې غوښتنه کړې ده.
دغو هیوادونو غوښتي چې د مهاجرینو د پیژندلو، تقعیب او دریم خوندي هیواد ته د لیږدولو لپاره باید یو میکانیزم رامینځته شي.
بلغاریا، چک جمهوریت، ډنمارک، فنلنډ، استونیا، یونان، ایټالیا، قبرس، لاتویا، لیتوانیا، مالتا، هالنډ، اتریش، هنګري او رومانیا غواړي چې د اروپايي اتحادیې د کډوالۍ تړون هاخوا د کډوالۍ د کنټرول د سختولو په لټه کې دي.
دغو هیوادونو د اروپایي کمیسیون څخه غوښتي چې "اروپا ته د غیرقانوني کډوالۍ د مخنیوي لپاره نوې لارې چارې وموندل شي."
دوی په خپل لیک کې هغه هوکړې ته په اشارې سره چې ایټالیا په دې وروستیو کې له البانیا سره لاسلیک کړی، د اروپا د پناغوښتنې په قانون کې د دریم امن هیواد د تعریف پر بیا کتنې ټینګار کړی.
د اروپا د پناه غوښتنې قانون له مخې، دریم هیواد چې پناه غوښتونکي ورته لیږل کیږي باید د پناه غوښتونکي او هغه هیواد ترمنځ یوه اړیکه شتون ولري.
دغو پنځلسو هېوادونو دا وړاندیز هم کړی چې پناه غوښتونکي دې له سمندر څخه تر ژغورل کېدو وروسته له اروپايي ټولنې بهر یوه هېواد ته ولېږل شي، څو د دوی د پناه غوښتنې دوسیې وڅېړل شي.
دا وړاندیز په داسې حال کې کیږي چې د اروپا د پارلمان ټاکنې په نږدې وخت کې ترسره کیږي او نظر پوښتنې ښيي چې پر دغه اروپايي مقننه اداره باندې د کډوالۍ ضد ګوندونو فشار مخ په زیاتیدو دی.
