د غزې جګړه؛ په تېرو ۲۴ ساعتونو کې په غزه کې لږ تر لږه ۳۹ کسان وژل شوي دي
د غزې د روغتیا وزارت وايي، چې د اکټوبر له میاشتې راهیسې پر غزې د اسراییل په پوځي عملیاتو کې ۳۵زره او ۲۷۲ فلسطینیان وژل شوي او ۷۹زره او ۲۰۵ نور ټپیان شوي دي.
دغه وزارت وايي، په تېرو ۲۴ساعتونو کې لږ تر لږه ۳۹ کسان وژل شوي دي.
بل خوا؛ د جبالیا د مهاجرینو کمپ اوس د جګړې اصلي ډګر دی اوپه دې کمپ باندې د اسراییل بریدونه د ساعت په تیریدو سره زیاتیږي.
الجزیرې راپور ورکړی، چې په تېرو څو ساعتونو کې نه یوازې بریدونه زیات شوي، بلکې د کمپ په مرکزي بازار کې چې ګڼ مېشته سیمه ده پېښې ثبت شوي.
اسراییلي پوځ د بې پیلوټه الوتکې په وسیله په کمپ کې یو وړکتون هم په نښه کړی، چې لږترلږه پنځه فلسطینیان یې ټپیان کړي دي. په دې عملیاتو کې اسراییلي پوځ حتی ډاکټران هم په نښه کړي چې په دې برید کې دوه ډاکټران ټپیان شوي دي.
په جبالیا کې د وژل شویو کسانو په منځ کې یوه امیندواره ښځه هم شامله ده.
د وفا خبري اژانس د راپور له مخې؛ یوه میندواره ښځه د جبالیا په الفلوجه سیمه کې اسراییل یوه کور په نښه کړ او ۴کسان یې ووژل، چې یوه یې امیندواره ښځه وه.
