د روسیې پر سیمو د اوکراین د توغندیو په برید کې اووه تنه ووژل شول
د روسیې چارواکو ویلي، چې لږ تر لږه اووه کسان هغه مهال ووژل شول او ۱۷ نور ټپیان شول، چې د روسیې د استوګنې پر بلاکونو د اوکراین له خوا توغول شوي توغندي ولګیدل.
په دغه برید کې چې په بېلګراد کې ترسره شوی، یو پوره بلاک ویجاړ شوی او تر اوسه په دغه سیمه کې تر ټولو خونړی برید بلل کیږي.
روسي چارواکي وايي؛ اوکراین د بېلګراد په سیمه د توغندیو یو پراخ برید پیل کړی و، چې په کې د توچکا بالیسټیک توغندیو، اډلر او ار ام - ۷۰ ویمپیر توغندي او د راکټ سیسټمونو کارول شوي دي.
د پېښې له ځایه ترلاسه شویو ویډیوګانو کې ښکاري چې د یوې ودانۍ لږ تر لږه ۱۰ منزله نړېدلي دي.
کله چې ژغورونکو ډلو د نړېدلې ودانۍ لاندې بندو کسانو د ویستلو لټه کوله، یو بل پوړ هم وندیده.
د روسیې د دفاع وزارت دغه برید "د استوګنې پر سیمو یو ترهګریز برید" بللی چې لږ تر لږه ۱۲ توغندي په کې کاریدلي وو.
اوکراین تر اوسه د دغه برید په اړه څه نه دي ویلي.
