پوتین یو ځلې بیا میخاییل میشوستین د لومړي وزیر څوکۍ ته وړاندیز کړ
د روسیې ولسمشر ولادیمیر پوتین یو ځلې بیا پارلمان ته د لومړي وزارت لپاره د میخاییل میشوستین وړاندیز وکړ. ښاغلی میشوستین په ۲۰۲۰کال کې د لومړي وزیر په توګه ټاکل شوی و او د پارلمان له تایید وروسته به یوه بله دوره هم پر دغې څوکۍ پاتې شي.
د روسیې په سیاسي نظام کې د لومړي وزارت څوکۍ ډېره ارزښتناکه نه ده او د ښاغلي میشوستین تاییدېدل د هغه هېواد د جرګې لهخوا حتمي ده؛ ځکه د پوتین هیڅ یوه پرېکړه د هغه هېواد د پارلمان لهخوا نه ده رد شوې.
ښاغلي میشوستین د اوکراین پر ضد د روسیې په جګړه او د لویدیځوالو لهخوا په لګول شویو بندیزونو کې د پوتین ملګرتیا کړې.
ولادیمیر پوتین همدغه روانه اوونۍ د پنځم ځل لپاره د روسیې د ولسمشر په توګه لوړه وکړه.
