د بریتانیا د کارګر ګوند څخه صادق خان د دریم ځل لپاره د لندن ښاروال وټاکل شو

صادق خان د کارګر ګوند له خوا د ۶۱ سلنه رایو په ترلاسه کولو سره د دریم ځل لپاره د لندن ښاروال وټاکل شو. د محافظه کار ګوند او د صادق خان اصلي سیالې سوزان هال شاوخوا ۲۶ سلنې رایې ترلاسه کړې دي.

په خټه پاکستانی صادق خان له ۲۰۱۶ کال راهیسې د لندن ښاروال دی.

د بریتانیا په ځینو برخو کې رای ورکوونکي د پنجشنبې په ورځ د ښاري شورا د غړو او د ښاروالانو د ټاکلو له پاره د رایې اچونې صندوقونو ته ولاړل.

د لندن د ښاروال ټاکنې په دې پړاو کې تر ټولو مهمه سیالي بلل کیږي.