ترکيې په تېرو لسو مياشتو کې له داعش سره د همکارۍ په تور نږدې ۳ زره کسان نيولي دي
د ترکیې د کورنیو چارو وزیر خبر ورکړ، چې د دغه هېواد امنیتي ځواکونو په تېرو لسو میاشتو کې ۲ زره ۹۹۱ تنه له داعش سره د همکارۍ په تور نیولي دي. علي یارلیکایا وویل، چې دغه کسان په ټول هیواد کې د تېرې جنورۍ له لومړۍ د اپریل تر ۲۲ نېټې په ۱۴۲۲ عملیاتو کې نیول شوي دي.
ښاغلي يارليکايا دغه شمېره پر خپله اېکس پاڼه خپره کړې او لیکلي يې دي: « موږ به هيڅ ترهګر ونه زغمو او د امنيتي ځواکونو په همکارۍ او هوډ سره به خپلې مبارزې ته دوام ورکړو.»
ترکیې په وروستیو میاشتو کې په ټول هېواد کې په پراخو عملیاتو سره لسګونه کسان له داعش سره د تړاو په تور نیولي دي.
د ترکيې د کورنیو چارو وزير د وري میاشتي په پيل کې خبر ورکړ، چې دغه هېواد د داعش په وړاندې په بېلابېلو ښارونو کې پراخ عمليات پيل کړي دي.
