سبا د پاکستان په لاهور کې د برېښنايي سپورت د سیالیو پایلوبه کېږي
په لاهور کې د ګیلیکسي ریسرز تر سیوري لاندې د برېښنایي سپورت لوبې دوام لري؛ په دې مجازي لوبو کې پبجي، فري فایر، ټیکین او ایف سي ۲۴ ګډون لري.
د دغو سیالیو فاینل لوبه به سبا پنجشنبه او جمعه ترسره شي.
په دغو سياليو کې تر اوسه څه د پاسه دولس سوو ټيمونو برخه اخيستې ده، چې دا ښیي چې دا لوبه د ځوانانو ترمنځ ډېر شهرت لري.
دا ډول سیالۍ تر دې وړاندې هم په ۲۰۲۱کال کې په پاکستان کې ترسره شوې وې، چې د ځوانانو د زیاتې لېوالتیا له امله سږ کال په لویه کچه دا سیالۍ ترسره کېږي.
ګیلیکسي ریز د دې سیالیو لپاره د ټولټال شپږ میلیونه پاکستاني روپیو څخه زیات انعام اعلان کړی دی.
