مولوي عبدالحمید: خدای نه، بلکې خلک امیرالمومنین ټاکي
د ایران د سیستان بلوچستان د مرکز زاهدان د سنیانو امام مولوي عبدالحمید اسماعیل زهي نن د جمعې د لمانځه په خطبه کې وویل: "په اسلامي نظام کې حاکم یوازې د خلکو استازیتوب کوي او د مسلمانانو خلیفه او امیرالمومنین د خلکو لخوا ټاکل کیږي، نه د خدای لخوا."
د سیستان او بلوچستان پېژندل شوی عالم د ایران د اسلامی جمهوریت د یوه چارواکی خبرې ته په اشارې سره، چې له وسله والو او تاوتریخجنو خلکو سره خبرې نه کوو، وویل: پوښتنه دا ده چې ایا له هغو کسانو سره خبرې شوې دي؟ چې وسلې یې نه درلودې او مظاهرې یې کولې.» ایا له سیاسي بندیانو سره مو خبرې کړې دي؟
هغه زياته کړه، خلک له دوو يا دريو کلونو راهيسې لاريونونه کوي او غوښتنې کوي او بايد د خلکو غږ اورېدل شوى واى.
مولوي عبدالحمید د ایران پر امنیتي ځواکونو د جیش العدل وروستیو بریدونو ته په اشارې سره وویل:«موږ د هر لوري له تاوتریخوالي سره مخالف یو.»
د ښاغلي عبدالحمید په وینا، موږ تاوتریخوالی نه د حکومت او نه هم د خلکو له خوا منو. "موږ هر مرور خبرو ته هڅوو."
عبدالحمید اسماعیل زهي چې په مولوي عبدالحمید مشهور دی، د زاهدان جومات د جمعې امام دی.
هغه د ایران د اسلامی جمهوریت په سیاستونو او په سیستان او بلوچستان کې په مظاهرو باندې په ښکاره نیوکه کولو مشهور دی.
