امنیت شورا په دمشق کې د ایران پر کونسلګرۍ د برید په اړه غونډه وکړه

د ملګرو ملتونو امنیت شورا د سه شنبې په ورځ په سوریه کې د ایران پر کونسلګرۍ د اسراییل د برید په اړه بېړنۍ غونډه وکړه. ایران د دغې غونډې غوښتنه کړې وه.

د دمشق په برید کې د سپاه پاسداران دوه قومندانان او پنځه نور سرتېري ووژل شول.
د دوشنبې په ورځ ایران د سوریې په پلازمینه کې د دوی پر قونسلګرۍ د برید پړه پر اسراییل واچوله؛ خو تل ابیب تر اوسه د پېښې پړه پر غاړه نه ده اخیستې.
پر همدغه مهال سرچینو ایران انټرنشنل ته ویلي، چې اسراییل په دمشق کې د ایران د سفارت پر کونسلګرۍ د دوشنبې ورځې د برید او په دمشق کې د محمد رضا زاهدي او د سپاه پاسداران د نورو چارواکو د وژلو مسوول دی.
د امنیت شورا په غونډه کې ګڼو هېوادونو په دمشق کې د ایران پر کونسلګرۍ برید وغانده.