د امریکا په پلازمېنه کې د ډزو له امله دوه تنه وژل شوي او پنځه نور ټپیان شوي دي
وروسته له هغه چې د یکشنبې په ورځ سهار درې بجې د امریکا د پلازمېنې واشنګټن ډي سي په شاو سیمه کې پر اوو کسانو ډزې وشوې، دوه کسان ووژل شول او پنځه نور ټپیان شول.
د پوليسو چارواکو ويلي دي، چې ټپيان روغتون ته ليږدول شوي دي او ټول قربانيان لويان دي.
تر اوسه پولیسو دا نه دي ویلي، چې دا ډزې څنګه شوي؛ خو ویلي یې دي، چې د پېښې د عامل د موندلو لپاره یې پلټنې پیل کړي دي.
د دې ډزو علت لا هم معلوم نه دی.
