مارک زوکربرګ د میټا په بندېدو څومره زیانمن شو؟
د میټا شرکت وروستي بندېدل چې د فیسبوک، مسنجر، تریډز او انسټاګرام ټولنیزې شبکې پکې شاملې دي، د دې شرکت اجراییه رییس مارک زکر برګ ته شا او خوا درې ملیارده ډالر تاوان ورسولو.
د سې شنبې په ورځ د فیسبوک، مسنجر او انسټاګرام ټولنیزې شبکې کارکوونکو اکونټونه په خپل سره لاګ اوټ شوي وو او د پاسورډ د ورکولو باوجود هم اکونټونه نه فعالیدل.
د یوه ساعت څخه ډېر ځنډ وروسته دغه ټولنیزې شبکې بیا فعالیت پیل کړ.
د ټولنیزو رسنیو د اپلیکیشنونو د بندېدو له امله د میټا کمپنۍ اجراییه رییس مارک زوکربرګ په یوه ورځ کې شاوخوا درې میلیارده ډالره زیان وکړ.
سربېره پر دې؛ د میټا له بندیدلو څخه وروسته د دې شرکت ونډه ۱،۶ سلنه راټیټه شوی، دا په داسې حال کې ده چې د میټا یو شییرز په سټاک مارکیټ کې ۴۹۰.۲۲ ډالره وه.
د میټا اپلیکیشنونو له بندېدلو وروسته د اېکس شرکت مشر اېلن ماسک په اېکس ټولنیزې شبکې یو انځور خپور کړی و، چې په انځور کې د میټا شرکت اپلیکیشنونو د اېکس اپلیکشین ته په سلامۍ ولاړ دي.
