د میټا مشهورو خواله رسنیو "فېسبوک او انسټاګرام" په مختلفو هېوادونو کې کار پرېښود
د میټا بېزنس مشهورې خواله رسنۍ "فیسبوک او انسټاګرام" په اروپا، امریکا او اسیا کې له څو شیبو را هیسې له کاري ځنډ سره مخ دي. لا هم د دې خواله رسنیو د دې ستونز لامل معلوم نه دی؛ خو میټا ویلي، چې د ستونزې پر حل کار روان دی.
د ګرینویچ په وخت د مازیګر له درې نیمو بجو وروسته فیسبوک په افغانستان، پاکستان، جرمني، برېتانیا د امریکا متحده ایالتونو په ګډون مختلفو هېوادونو کې کار پرېښی دی.
دا له څو کلونو وروسته لومړی ځل دی، چې فیسبوک او انسټاګرام له ورته ستونزې سره مخ کېږي.
تر دې مخکې د ۲۰۱۹ کال جولای کې فیسبوک، انسټاګرام او وتسپ په یو وخت مختلفو هېوادونو کې له کار لوېدلي وو.
میټا بزنس د ټولنیزو شبکو یو ګروپ دی، چې په ټوله نړۍ کې له څلورو میلیاردو ډېر کارن لري.
