فېسبوک او انسټاګرام له نېږدې یو ساعت ځنډ وروسته په ټولې نړۍ کې بېرته په کار پیل وکړ
د میټا بېزنس دوه خواله رسنۍ "فېسبوک او انسټاګرام" له نېږدې یو ساعت ځنډ وروسته په ټولې نړۍ کې بېرته په فعالیت پیل وکړ.
د میټا بېزنس مشهورې خواله رسنۍ "فیسبوک او انسټاګرام" په اروپا، امریکا او اسیا کې د ګرینویچ په وخت د مازیګر له درې نیمو بجو وروسته کار پرېښی و.
د مېټا بېزنس مشر مارک زوکربرګ پر خپلې خوالې رسنۍ د دغې ستونزې د حل اعلان وکړ.
دا له څو کلونو وروسته لومړی ځل دی، چې فیسبوک او انسټاګرام له ورته ستونزې سره مخ کېږي.
تر دې مخکې د ۲۰۱۹ کال جولای کې فیسبوک، انسټاګرام او وتسپ په یو وخت مختلفو هېوادونو کې له کار لوېدلي وو.
میټا بزنس د ټولنیزو شبکو یو ګروپ دی، چې په ټوله نړۍ کې له څلورو میلیاردو ډېر کارن لري.
