په بریتانیا کې یوې محکمې د «داعش د ناوې» د تابعیت د لغوې پریکړه یو ځل بیا تایید کړه
په بریتانیا کې د استیناف یوې محکمې د شمیمې بیګم چې د «داعش د ناوې» په نوم مشهوره ده د تابعیت د لغوه کیدو پریکړه یو ځل بیا تایید کړه.
مېرمن بیګم په ۲۰۱۵ کال کې سوریې ته ولاړه او هلته یې د داعش له یوه غړي سره واده وکړ. په ۲۰۱۹ کال کې، بریتانیا د مېرمن بیګم تابعیت لغوه کړ، مګر هغې د بیاکتنې غوښتنه وکړ.
مېرمن بېګم چې کله سوریې ته لاړه، ۱۵ کاله عمر یې درلوده او د ختیځ لندن په یوه ښوونځي کې زده کوونکې وه.
تېر کال د "کډوالۍ د استیناف ځانګړي کمېسیون" د شمیمې بیګم د تابعیت د لغوه کولو پرېکړه قانوني اعلان کړه، خو مېرمن بیګم دغه پرېکړه محکمې ته وړاندې کړه.
اوس د استيناف محکمې هم د شمیمه بيګم د بریتانوي تابعيت د لغوه کولو په اړه له پخوانۍ پرېکړې سره موافقه کړې دی.
داسې ښکاري چې د مېرمن بېګم حقوقي ډله به د نوې پریکړې په اړه یو ځل بیا د استیناف غوښتنه وکړي.
سکای نیوز د شمیمې د وکیل دانیل فورنر له قوله ویلي، "موږ به تر هغې له مبارزې لاس وانخلو تر څو چې هغه [شمیمه بیګم] عادلانه پریکړه ترلاسه کړي او په خوندي توګه کورته راستنه شي.»
شمیمه بیګم دا مهال د سوریې په شمال کې د کډوالو په یوه کمپ کې ژوند کوي. هغه په بریتانیا کې زیږیدلې وه.
