د دوبۍ نړۍوال هوايي ډګر په ۲۰۲۳ کال کې له ۸۶.۹ مېلیونو څخه ډېر مسافر لرل
د دوبۍ نړۍوال هوایي ډګر له لارې چې د نړۍ تر ټولو بوخت هوایي ډګر دی، د تلونکو مسافرو شمېر یې تېر کال د ۲۰۱۹ کال پرتله هم ډېر و. د دوبۍ د هوایي ډګرونو اجراییوي مشر پاول ګرېفېتس د دوشنبې په ورځ اعلان وکړ، چې په ټولیز ډول په ۲۰۲۳ کال کې دغه هوایي ډګر ۸۶.۹ مېلیونه مسافر درلودل.
د هغه په وینا، دغه شمېره په ۲۰۱۹ کال کې ۸۶.۳ مېلیونه وه او په ۲۰۱۸ کال کې ۸۹.۱ مېلیون مسافرو ته رسېده؛ خو دغه شمېره بیا په ۲۰۲۲کال کې ۶۶ مېلیونو ته رسېدلې وه.
د فبرورۍ په پیل کې دوبۍ د خپل تر ټولو غوره ګرځندویانو شمېره اعلان کړه، چې په ۲۰۲۳کال کې یې د ۱۷.۱۵ مېلیونه نړۍوالو لیدونکو کوربهتوب وکړ.
دغه هوایي ډګر اټکل کړی، چې سږکال به ۸۸.۸ مېلیون مسافرو ته خدمتونه وړاندې کړي.
د دوبۍ نړۍوال هوایي ډګر د نړۍ په ۱۰۴ هېوادونو کې له ۲۶۲ ځایونو سره د ۱۰۰ نړۍوالو شرکتونو له لارې نښلېدلی دی.
