سنتکام وايي د حوثي اورپکو لپاره یې د ایران تسلیحاتي کڅوړه نیولې ده

د متحده ایالاتو مرکزي قوماندانۍ د یمن حوثي اورپکو ته د ایران د تسلیحاتي کڅوړې د نیولو خبر ورکړی. سنتکام ویلي، چې امریکايي ځواکونو د عمان په سمندرګي کې د ایران د هغو پرمختللو وسلو او نورو مرستو بېړۍ نیولې ده چې یمن ته روانه وه.

د راپورونو له مخې؛ دغه کڅوړه د جنوري په ۲۸مه نیول شوې ده.
د یمن حوثي اورپکي چې د ایران د اسلامي جمهوریت ملاتړ له ځانه سره لري، په ځلونو یې نړۍوالې سوداګریزې بېړۍ په ډرون او توغنديو ویشتلي دي.
د نومبر په نیمایي کې دغو اورپکو وویل، چې د دوی دا اقدام په غزه کې له فلسطینیانو څخه د پیوستون په موخه شوی دی.
د ایران اسلامي جمهوریت مخکې ویلي وو، چې د حوثیانو دغه اقدام یوه خپلواکه پرېکړه ده او تهران یې په ترسره کېدو کې هېڅ رول نه لري.