بایډن د ناټو په اړه د ټرمپ څرګندونې 'شرمونکې' او 'نا دوده' وبللې

جوبایډن د ناټو په اړه د ۲۰۲۴ کال په ټاکنو کې د هغه د احتمالي سیال ډونالډ ټرمپ پر څرګندونو نیوکه وکړه او هغه یې «ګواښونکې» او «نا دوده» وبللې. د امریکا متحدو ایالتونو ولسمشر ویلي چې دا څرګندونې به د کانګرس پر هغې پرېکړې اغېز وکړي چې له اوکراینه د ملاتړ لپاره نوې بودجه تصویب کړي.

د متحده ایالاتو مخکیني ولسمشر ډونالډ ټرمپ د شنبې په ورځ په یوه راټولېدنه کې وویل چې هغه یو ځل د یوه هیواد مشر ته ویلي و چې دی به د داسې هیواد ساتنه ونه کړي چې پوروړی وي او بریدکوونکي به وهڅوي چې «هر څه چې وغواړي هغه وکړي».
د امریکا د پخواني ولسمشر دغه څرګندونې په داسې حال کې شوې چې د ناټو غړي د دغه پوځي تړون پر یوه غړي د برید په صورت کې د دغه هېواد دفاع ته ژمن دي.
د دغو څرګندونو په غبرګون کې جوبایډن وویل چې دا خبرې «احمقانه، شرمونکې، خطرناکې او پردۍ دي.»
دا څرګندونې په داسې حال کې شوې چې له اوکراین سره د جوبایډن د ۶۰ میلیارډه ډالرو مرستې پلان د استازو په جرګه کې له ناڅرګند راتلوونکي سره مخامخ دی.
امریکايي ولسمشر په خپله وینا کې وویل چې د دغه پلان نه تصویبول به د روسیې له ولسمشر ولادیمیر پوتین سره د مرستې په معنا وي.