د سوډان او جنوبي سوډان ترمنځ په جنجالي سیمه کې د شخړو له امله ۵۴ کسان وژل شوي دي
د سوډان او جنوبي سوډان تر منځ جنجالي سیمه ابي کې د سیالو قبیلو تر منځ په وسله واله نښته کې ۵۴ کسان وژل شوي او ۶۴ نور ټپیان شوي دي. ملګري ملتونه وايي؛ په وژل شویو کې د ملګرو ملتونو د سوله ساتي ماموریت دوه کارکوونکي هم شامل دي.
په وژل شویو کسانو کې یو پاکستانی او یو ګانایي هم شامل دي او د سوله ساتو ځواکونو څلور منسوبین هم ټپیان شوی دی.
د راپورونو له مخې؛ په ابي کې د مرستندویه فعالیتونو په ترڅ کې د سوله ساتو ماموریت پرسونل تر برید لاندې راغلی.
د جنوبي سوډان ابي په ۲۰۱۱ کال کې د جنوبي سوډان له خپلواکۍ راهیسې یوه جنجالي سرحدي سیمه ده.
په دغه سیمه کې یو شمېر سوله ساتي ځواکونه موجود دی، چې پاکستان هم د دغو سوله ساتو ځواکونو برخه ده.
