په چین کې د یوه پلورنځي دننه اور لګېدنې ۳۹ کسان مړه کړي دي
د چین دولتي رسنیو خبر ورکړی، چې د جیانګشي ولایت په شینیو ښار کې په یوه پلورنځي کې اور لګېدنې لږ تر لږه ۳۹ کسان مړه کړي او نهه نور یې ټپیان کړي دي. د راپورونو له مخې «یو شمېر» لا هم په اور اخیستې ودانۍ کې بند پاتې دي.
د راپورونه له مخې چې د دغې اور اخیستې ودانۍ لاندې یوه «نیټ کیفې» او د ودانۍ په سر کې یو ښوونیز مرکز فعال دی.
تېره اوونۍ په چین کې د یوه ښوونځي په لیلیه کې اور لګېدنې ۱۳ زدهکوونکي مړه کړي وو.
