پوتین اوکراین ته ګوتڅنډنه کړې که جګړې ته دوام ورکوي، نو نه جبرانېدونکي زیانونه به وویني
د روسیې ولسمشر خبرداری ورکړی، د جګړې دوام سره به اوکراین داسې ضربه وویني چې بیا به یې «جبرانېدل ناشوني» وي. ولادیمیر پوتین وویل:« اوس روښانه شوې، چې نه یوازې د اوکراین د حملو ضد هڅې ناکامه شوي؛ بلکې د جګړې په دګر کې نوښت هم په چورلټ ډول د روسي وسلهوالو ځواکونو په لاس کې دی.»
د روسیې ولسمشر په یوه ټلویزیوني وینا کې اوکراین او د هغه لویدیځو ملګرو ته په اشارې وویل:« خو که هغوی نه غواړي، چې (خبرې وکړي) نو نه دې کوي.»
روسیه دمګړۍ د اوکراین ۱۷.۵ سلنه خاوره تر خپل واک لاندې لري.
ښاغلي پوتین وویل، د سولې په تړاو خبرې د مسکو لپاره د انګیزې یوه هڅه ده او «د تېر یو نیم کال لاس ته راوړنې» په خپل ځای پرېږده.
هغه زیاته کړه: «ټول په دې پوهېږي، چې دغسې یو څه ناشوني دي.»
روسیې ویلي، چې اوکراین د سولې په برخه کې هر دول خبرې باید «نوي واقیعتونه» چې رامنځته شوي د خپلو ځواکونو به نظر کې ساتلو سره باید په پام کې ونیسي.
