په جاپان کې د زلزلې له امله د مړو شمېر ۲۰۲ تنو ته ورسید
د جاپان د حکومت د تازه شمېرو له مخې؛ په دغه هېواد کې د وروستۍ زلزلې له امله د مړو شمېر ۲۰۲ تنو ته رسېدلی دی. د چارواکو په وینا؛ په دې زلزله کې تر ۵۶۵ زیات کسان ټپیان شوي دي.
د ایشیکاوا سیمه ییزو چارواکو د سې شنبې په ورځ (د جدي ۱۹مه) احصایې خپرې کړې، چې ښيي په تېرو ۹ ورځو کې ۲۰۲ کسان وژل شوي او ۱۰۲ کسان لادرکه دي.
ژغورونکي وايي؛ سړې هوا، نړېدلې ودانۍ او بند سړکونه د ژغورنې او مرستې چارې له ستونزو سره مخ کړي دي.
تېره اونۍ په جاپان کې د ریښتر په کچه د ۷،۶ درجې زلزله وشوه، چې ورپسې بار - بار سختې زلزلې وشوې.
