د خبریالانو خوندیتوب کمېټې په اوکراین کې د ټپي شویو خبریالانو په هکله د څېړنې غوښتنه وکړه
د خبریالانو د خوندیتوب کمیټې نن په اوکراین کې د وروستیو توغندیزو بریدونو په اړه د څیړنې غوښتنه کړې چې لږترلږه درې خبریالان پکې د ۲۰۲۳ په وروستیو اونیو کې د جګړې په اړه د رپوټ ورکولو پرمهال ټپيان شوي دي.
د کمیټې په وینا، د ډسمبر په ۳۰ مه د جرمني د زي ډي ایف شبکې یو خبریال سویتلانا دولباشیوا په خارکیف د روسیې د توغندي بریدونو پر مهال ټپي شوی و.
په همدې حال کې د ډسمبر په ۲۹ مه، د اوکراین په لوېدیځ ښار لوېف کې د روسیې د توغندي بریدونو په پایله کې د سیمه ییز خبري اژانس وګولوس مسوول مدیر پاولا داک ټپي شوی وو.
د ډسمبر په ۲۲ مه بیا خپلواک جنګي عکاس ولادا لیبیرووا د دونڅک په ختیځ سیمه کې د توغندي په یو برید کې ټپي شوی و.
د خبریالانو د خوندیتوب کمیټې ویلي چې د دغو ژورنالستانو ټپونه جدي نه دي.
د خبریالانو د خوندیتوب کمیټې د اروپا او منځنۍ اسیا د پروګرام مسوول ګلنوزا سید ویلي: «هغه خبریالان چې په اوکراین کې د روسیې د جګړې د پوښښ لپاره خپل ژوند په خطر کې اچوي، د نړیوال بشردوستانه قانون له مخې ملکي وګړي دي او هیڅکله باید د سرتېرو په سترګه ورته ونه کتل شي.»
