د جاپان په زلزله کې د مړو شویو کسانو شمېر ۳۰ تنو ته لوړ شو
په جاپان کې د اېشیکاوا سیمهییز چارواکي وایي، چې د دوشنبې په ورځ د جنورۍ په لومړۍ نېټه د یوې زورورې زلزلې له امله لږ تر لږه ۳۰ کسان مړه شوي دي. د راپورونو له مخې، اوسمهال مرستندویه او د ژغورنې ډلې د پرېوتو ودانیو لاندې د دغې سیمې د اوسېدونکو د ژغورلو په لټه کې دي.
دغه زلزله چې لویوالی یې د ریښتر په کچه ۷.۶ درجې ښودل شوی، ډېرې ودانۍ یې ویجاړې کړې او سړکونه یې هم بند کړي دي.
همدارنګه په دغې زلزله کې د لس ګونه زرو کورونو برېښنا هم پرې شوې ده.
د چارواکو په وینا، په روغتیایي مرکزونو کې د اوبو او برېښنا د کانالونو پرې کېدنې، زلزله ځپلو ته د مرستو لړۍ هم ستونزمنه کړې ده.
جاپان یو داسې هېواد دی، چې په کلني ډول په کې شاوخوا ۵۰۰ زره زلزلې پېښېږي.
