د میشیګن ایالتي محکمې د امریکا له لومړنیو ټاکنو څخه د ډونالډ ټرمپ د لرې کولو پرېکړه رد کړه

د میشیګن ایالتي محکمې د ۲۰۲۴ کال د ولسمشرۍ له انتخاباتو څخه د ډونالډ ټرمپ د لرې کولو غوښتنه رد کړه. د ټرمپ یو شمېر مخالفانو د کیپیټل ودانۍ په برید کې د هغه د رول له امله د میشیګن په ابتدایی ټاکنو کې د ګډون کولو څخه د ټرمپ د منع کولو د حکم غوښتنه کړې وه.

له دې وړاندې یوې محکمې پریکړه کړې وه، چې ډونالډ ټرمپ نه شي کولی په کولوراډو کې د ۲۰۲۱ کال د جنورۍ په ۶په لاریون کې د لاس لرلو له امله ولسمشرۍ ته ځان نوماند کړي.

ټرمپ ویلي وو، چې د کولوراډو د سترې محکمې له خوا د هغه حکم استیناف غوښتنه کوي.

ډونالډ ټرمپ په خپلې څلور کلنې ولسمشرۍ دوره کې د امریکا سترې محکمې ته بدلون ورکړ.

اوس ۶-۳ محافطه کاره اکثریت چې هغه یوځای کړي دي، د یو څو قضیو له مخ کېدو سره شاید دا معلومه کړي چې ایا جمهوري غوښتونکي به وشي کړی سپینه ماڼۍ بېرته تر لاسه کړي.