پنټاګون: له ایرانه توغول شوې بې پیلوټه الوتکه د هند سمندر کې په یوه بار وړونکې بېړۍ لګېدلې
پنټاګون وايي، د ایران له لوري توغول شوې بې پیلوټه الوتکې د هند په سمندر کې یوه بار وړونکې بېړۍ ویشتلې ده. په دغه برید کې چا ته زیان نه دی اوښتی او په بیړۍ کې اور لګېدلی دی. دا د اسراییل او حماس تر منځ له جګړې وروسته لومړی ځل دی چې امریکا پر یوې بیړۍ د ایران د برید اعلان کوي.
دغه بیړۍ د جاپان اړوند وه چې د لایبریا بیرغ پرې لګېدلی و او د "کیم پلوټو" کیمیاوي توکي یې هم لیږدول.
د امریکا دفاع وزارت ویلي، دا له ۲۰۲۱ کال راهیسې پر سوداګریزو بیړیو د ایران اووم برید دی.
د یمن اسلامي جمهوریت او ملګرو یې په غزه کې د اسراییلو پر عملیاتو پراخې نیوکې کړې دي.
د یمن حوثيیانو په وروستیو اونیو کې په سور سمندرګي کې سوداګریزې بیړۍ هم په نښه کړې دي.
ایراني چارواکو د هند په سمندر کې د بار وړونکې بیړۍ د برید په اړه څه نه دي ویلي.
