امریکايي چارواکې: ایف بي ای د غزې د جګړې له پیل راهیسې تر ۱۸۰۰ ډېر ګواښونه ترلاسه کړي دي

د امریکا د لویې څارنوالۍ مرستیالې لیزا موناکو ویلي دي، چې د تحقیقاتو فيډرالي ادارې (ایف بي ای) د اسراییل او حماس د جګړې له پیل راهیسې تر ۱۸۰۰ زیات د ګواښونو راپورونه ترلاسه کړي دي.

نوموړې له ای بي سي نیوز سره په تازه مرکه کې ویلي: "دا راپورونه د نورو ډولونو لارښودونو یا نښو سره د ګواښونو په اړه دي چې په یو ډول د اسراییل او غزې د اوسنۍ جګړې سره تړاو لري."

د موناکو په خبره ، چې ایف بي ای د دغو راپورونو پر بنسټ "له سلو څخه زیات تحقیقات" پیل کړي دي.

موناکو وویل: "ډېری دا راپورونه پرته له پېښې حل شوي، مګر ډېری یې څېړل کیږي."

هغې دا هم وویل، چې د حکومتي چارواکو پر وړاندې د ګواښونو په شمېر کې "بې ساری زیاتوالی" هم راغلی دی.