د چک جمهوریت په پلازمېنه کې د ډزو له امله ۱۱ کسان وژل شوي او لسګونه ټپیان دي
د چک جمهوریت پولیسو د پنجشنبې په ورځ (د ډسمبر په ۲۱مه) اعلان وکړ، چې د پراګ په چارلز پوهنتون کې د ډزو له امله د بریدګر په ګډون ۱۱ کسان وژل شوي او لسګونه ټپیان دي. د چک د کورنیو چارو وزیر ویت راکوسان د بریدګر وژل کېدل تایید کړ.
د پراګ د بېړنیو حالاتو ویاند د چک دولتي تلویزیون ته وویل: « اوس ویلی شم ووایم چې د برید کوونکي په ګډون ۱۱ تنه وژل شوي دي.»
د کورنیو چارو وزیر له خلکو د همکارۍ غوښتنه وکړه او ویې ویل، چې بل کوم خطر نه شته.
پولیسو د ډزو ځای ته څېرمه سیمه کلابنده کړې او له خلکو یې غوښتي چې په کورونو کې پاتې شي.
له ډزو وروسته پولیس سیمې کې ځای پر ځای شول او وضعیت یې تر کنټرول کړی.
د پراګ ښاروال ویلي، چې له ډزو وروسته د چارلز پوهنتون د فلسفې پوهنځی خالي شوی دی.
