د یمن حوثي وسلوال: موږ اسرايیلي کښتۍ او اسرییل ته تلونکې بېړۍ په نښه کوو

د یمن حوثي وسلوال چې د ایران له ملاتړه برخمن دي وايي، چې د اسراییل کښتۍ او دغه هېواد ته تلونکې نورې بېړۍ به په نښه کوي.

دغه یمني وسلوال چې د ایران په ملاتړ یې په سره سمندرګي کې د سمندري ترافیکو د ستانې لپاره د امریکا د متحده ایالاتو د نړۍوال ایتلاف پر جوړولو اعتراض کړی ویلي، چې دوی به هېڅ کوم هېواد ته ګواښ پېښ نه کړي؛ خو یوازې د اسراییلي کښتۍ او د اسراییل پر طرف تلونکې بېړۍ په په نښه کوي.

څلور ورځې وړاندې د سپینې ماڼۍ د ملي امنیت سلاکار منځني ختیځ ته د سفر پر مهال ویلي وو، چې د ایران حکومت اړ دی، چې پر بېړیو د یمن د حوثي وسلوالو د بریدونو مخه ونیسي.

د اسراییل او حماس تر منځ د جګړې له پیلېدو راهیسې حوثيانو په سور سمندرګي کې پر سوداګریزو کښتیو بریدونه پیل کړي دي.

د سپینې ماڼۍ دغه لوړ پوړي امنیتي چارواکي زیاته کړه، چې متحده ایالات په یمن کې د حوثيانو له ګواښ سره د مقابلې لپاره له نړۍوالې ټولنې سره همکاري کوي.