ولې د ۲۰ ډالرو لوټ ارزښت نېږدې ۲۰۰۰۰ چنده لوړ پلورل شوی دی؟
په ۱۹۶۶ کال کې د ۲۰ ډالرو یو لوټ چې د چاپ په ابتدايي مراحلو کې په تېروتنې د کیلو د یو کمپنۍ سټیکر پرې چاپ شوی و، په لومړي ځل په شل زره ډالرو په هماغه کال کې د ای بې په نوم د یو ویبسایټ له لارې د ۱۲ کسانو تر داوطلبۍ وروسته وپلورل شو.
ځینې خلک بیا ادعا کوي، چې دغه سټیکر په قصدي ډول د ۲۰ ډالرو په لوټ په ټکزاس کې د پیسو د چاپولو په یوه کارخانه کې لګیدلی و.
بیا هم هېڅوک په دې په سمه توګه پوی نه شول، چې دغه سټیکر څنګه پر دغه لوټ نښلول شوی دی؛ خو دا واضح ده چې سټیکر د پیسو د چاپ په دویمه مرحله کې لګیدلی.
امریکايي ډالر په درې مرحلو کې چاپیږي؛ نو ځکه دغه سټیکر د ۲۰ ډالري لوټ د دوو طبقو ترمنځ ایسار شوی او د خزانې وزارت ټاپه او د پیسو مسلسله شمېره د همدې سټیکر پر سر راغلې ده.
د هریتیج په نوم د انتیکو اثارو د پیر د یو شرکت مشر ډسټن جانسټن ویلي، چې د هغو کسانو د خوښې وړ و، چې د پیسو کلکسیون لري او له همدې امله په لویه بیه پلورل شوی.
دغه لوټ د دویم ځل لپاره په ۲۰۰۶ کال کې په یو داوطلبۍ کې په ۲۵۳۰۰ ډالرو وپلورل شو. په ۲۰۰۸ کال کې په یوه بله داوطلبۍ کې په نېږدې څلور لکه ډالره وپلورل شو، چېرې چې ۵۰ کسانو په دې لوټ داو ولګوه.
دغه لوټ تر اوسه تر ټولو قیمته پلورل شوی داسې لوټ دی، چې له یوې تېروتنې سره چاپ شوی، هغه څه چې دغه لوټ ته یې خورا ډېر ارزښت ورکړی دی.
دې ته ورته ځینې نور لوټونه هم له یوې تېروتنې سره چاپ شوي او د هغه کسانو له لورې په خورا لویه بیه پلورل شوي، چې د تېروتنې سره چاپ شویو پیسو کلکسیون ساتي.
