ټرمپ: زه د نیویارک په محکمه کې په خپله دفاع کې شاهدي نه ورکوم
ډونلډ ټرمپ د نیویارک په محکمه کې د ۲۵۰ میلیون ډالرو درغلۍ په قضیه کې د خپلې دفاع په اړه خپل دریځ بدل کړی دی. هغه وویل: ما مخکې هم د هر څه شاهدي ورکړې ده او زه د ویلو لپاره بل څه نه لرم، پرته له دې چې دا د جوبایډن د ټاکنیز کمپاین لخوا په ټاکنو کې لاسوهنه ده.
د امریکا پخواني ولسمشر په ښکاره ویلي چې د خپلو مالي تورونو په اړه په نوې محکمه کې به ګډون ونه کړي.
د فرانس ۲۴ د راپور پر بنسټ، تمه کېدله چې ښاغلی ټرامپ به نن د خپلې مالي قضیې په اړه شاهدي ورکړي.
ښاغلي ټرامپ پر ده لګېدلي تورونه رد کړي دي.
په اسد میاشت کې، ډونالډ ټرامپ د واشنګټن ډي سي په فدرالي محکمه کې د هغه د استیناف اوریدنې په جریان کې د ۲۰۲۰ ولسمشریزو ټاکنو د پایلو د لغوه کولو لپاره د "دسیسې" پورې اړوند څلورو جرمي تورونو کې ګناه نه منله.
په واشنګټن کې د فدرالي محکمې قاضي د جنايي تورونو سره د مقابلې لپاره ډونالډ ټرامپ ته د خوشې کیدو شرایط تصویب کړل او په ورته وخت کې یې هغه ته خبرداری ورکړ چې جرم ونه کړي.
