پاکستاني پولیسو پر یوه بس د ډزو له امله ۱۷ شکمن کسان نیولي دي
پاکستاني چارواکو د دوشنبې په ورځ وویل، پولیسو د ګلګت پېښې په تړاو لږ تر لږه ۱۷ شکمن کسان نیولي. په دغې پېښه کې ۱۰ کسان وژل شوي او ۲۵ نور ټپیان دي.
د سیمهییزو پولیسو مشر شاه ولي وویل، امنیتي ځواکونو د شمالي ګلګت بلتستان سیمې په ګڼو برخو چاپه واچوله او په دې لړ کې یې هغه کسان ونیول چې اوس ترې پوښتنې ګروېږنې روانې دي.
دغه بس له ګلګت څخه راولپنډۍ ښار ته د مسافرو د لېږدولو په حال کې و، چې پرې ډزې وشوې او له امله یې موټر چلوونکي کنټرول له لاسه ورکړ او له یوه لارۍ سره ټکر شو.
په دغې پېښه کې د دواړو موټرونو چلوونکي مړه شوي دي.
د برید پړه چا په غاړه نه ده اخیستې؛ خو تحریک طالبان پاکستان د یکشنبې په ورځ په یوه بیان کې په دغې پېښې کې لاس لرل رد کړي دي.
