ایراني پوله ساتو درې افغانان د نشه يي توکو د قاچاق په تور نیولي دي
د ایران دولتي خبري اژانس ايرنا د يکشنبې په ورځ د (لیندۍ ۵مه) د نشه يي توکو د قاچاق په تور د درېيو افغانانو د نيولو خبر ورکړ. د ایرنا د راپور له مخې درې کسان چې ۳.۵ کیلو ګرامه نشه یي توکي یې د خولې له لارې په کېډه کې ځای پر ځای کړي وو، د دوغارون – اسلام کلا په لاره ونیول شول.
د تایباد د سرحدي کنډک قوماندان د ایرنا خبري آژانس ته ویلي دي: «د افغان اتباعو له پیژندلو وروسته، پوله ساتو د قاچاق وړونکو په معده کې تېر شوي هیرویین کشف کړي دي»
د دغه سيمه ييز ايراني چارواکي په وينا، دغو کسانو دوه کيلو او ٩٤٠ ګرامه جوړ شوي هيرويين د ١٣٥ کڅوړو په بڼه او ٦٢٤ ګرامه پوډر هيروين د ٥٠ کڅوړو په بڼه تېر کړي وو.
په راپور کې راغلي چې تورن کسان د ایران قضايي ادارو ته ور پيژندل شوي دي.
