په کراچۍ کې د کانګو تبې یوه تازه پېښه ثبت شوه

په کراچۍ کې روغتیایي کارکوونکي وايي، دغه ۵۲ کلن ناروغ چې د اتحاد ټاون اوسېدونکی دی، د ټایرونو په دوکان کې یې کار کاوه. ډاکټر یحیی ټونیو زیاته کړه، ناروغ له یوې میاشتې راهیسې په کور کې وزه ساتلې وه.

د هغه کورنۍ وایي، چې ناروغ ته یوه اونۍ وړاندې شدیده تبه پیدا شوه.

د روانې میاشتې له پیل راهیسې ۱۶ تنه ناروغان چې ډېری یې روغتیایي کارکوونکي دي له بلوچستان څخه کراچۍ ته د کانګو تبې له خپرېدو وروسته لېږدول شوي دي.

ویل کېږي، چې پرته له یوه ډاکټره د کانګو په تبه نور اخته ناروغان اوس مهال رغېدلي دي.