د قطر پلاوی له اسراییلي چارواکو سره د اوربند پر غځولو خبرې کوي
د قطر یو پلاوی د شنبې په ورځ -د نومبر په ۲۵مه نېټه - تل ابیب ته لاړ، چې د حماس او اسراییل تر منځ د څلور ورځني اوربند پر غځولو خبرې وکړي. د قطر عملیاتي پلاوی له اسراییلي چارواکو سره د اوسني اوربند پر دوام او د پاتې یرغمل کسانو پر خوشي کولو هم غږېدلی دی.
مصر د حماس او اسراییل ترمنځ د اوریند غځولو ته په خوشبینې سره اشاره کړې چې اوربند به د یوې یا دوو ورځو لپاره وغځول شي.
د قطر په منځګړتوب پرون د اسراییل او حماس څلور ورځنی اوربند د ۱۵۰ فلسطیني وګړو په بدل کې د ۵۰ یرغملو د خوشي کولو لپاره پیل شو.
د قطر په مځګړتوب غزه کې د اوربند په لومړۍ ورځ حماس ۲۴ او اسراییل ۳۹ یرغمل کسان خوشي کړل.
