په خیبرپښتونخوا کې په جلا،جلا پېښو کې پنځه کسان وژل شوي او درې ټپیان دي
د پاکستان پوځ په یوې خپرې شوې خبرپاڼه کې راغلي، چې د شمالي وزیرستان په رزمک سیمه کې د امنیتي ځواکونو پر یوه کاروان د لاسي بم چاودنه شوې، چې په پایله کې یې د احسان بادشاه او ساجد حسین په نامه دوه سرتېري وژل شوي دي.
د پوځ په خبرپاڼه کې راغلي، چې په سیمه کې پراخ چاڼیز عملیات روان دي.
له بلې خوا د باجوړ قبايلي ضلعې ماموند سیمه کې د بمي چاودنې له امله د جمعيت علما يو غړی وژل شوی او درې نور ژوبل شوي دي.
په وژل شویو کې د جمعیت علمای اسلام د باجوړ د انصارالاسلام د مشر مولانا عبدالسلام پلار حاجي ستار خان هم شامل دی.
اسلامي دولت په باجوړ کې د دغه برید پړه منلې ده.
د خيبر پښتونخوا په باجوړ کې سیمهییز چارواکي وايي، چې د سړک غاړې بمي یوې بلې چاودنې له امله يو تن وژل شوی دی.
دغه پېښه د باجوړ په مامينزو سيمه د چهارشنبې په ورځ رامنځته شوه.
سیمهییز پوليس وایي، چاودنه کې سبز علي په نامه يو کس وژل شوی دی.
سیمهییزې رسنۍ وايي، وژل شوی کس یو دولتي کارکوونکی و او د دغه برید پړه هم اسلامي دولت منلې ده.
ورته مهال د خيبرپښتونخوا په جمرود کې ناپېژاندو وسلهوالو يو پوليس په ډزو وژلی.
په سیمه کې پولیس چارواکي وایي:« پېښه هغه مهال وشوه، چې یو موټر د پلټنې لپاره ودرول شو چې وروسته مجرمینو ډزې پیل کړې.»
لا تراوسه د دغې پېښې پړه چا نه ده منلې.
