په بلوچستان کې چارواکي: په تربت کې د یو لړ عملیاتو په ترڅ کې څلور وسلهوال وژل شوي
په بلوچستان کې چارواکي وايي، د هغو عملیاتو په ترڅ کې چې د وسلهوالو ډلو پر ضد یې پيل کړي څلور تنه وسلهوال وژل شوي دي. دغه سرچینه وايي، عملیات د بلوچستان په تربت سیمه کې شوي چې په ترڅ کې یې زیاته درنه وسله هم تر لاسه شوې ده.
دغه امنیتي سرچینې زیاته کړې، چې په سیمه کې د دوی د مخالفینو پتنځای و چې د استخباراتي معلوماتو له مخې دوی پر دغې سیمې برید کړی او په ځوابي ډزو کې څلور تنه وسلهوال وژل شوي؛ خو سرچېنې خپلې غاړې ته د اوښتي زیان په اړه څه نه دي ویلي.
تر دې پېښې وړاندې هم د کوټې ښار ته څېرمه د مستونګ په سیمه کې ورته عملیات شوي و، چې هغه مهال هم د درېیو تنو وسلهوالو د وژل کېدو پخلی شوی و.
